“Lá amháin tháinig strainséir go dtí sráidbhaile Camille. Bhí hata tuí agus féasóg bhuí air… Is é an t-ealaíontóir Vincent Van Gogh an strainséir, a fheicimid tríd shúile gasúir óig atá faoi dhraíocht ag pictiúir Vincent.
Mar a fhaigheann Camille amach, ní thuigeann gach duine cé chomh hiontach agus atá saothar ‘Fear na Lusanna Gréine’. B’éigean do Vincent an sráidbhaile a fhágáil ach thuill a chuid pictiúr clú a mhairfidh go deo. Leabhar beag galánta ina gcuirimid aithne ar Van Gogh, an t-ealaíontóir clúiteach, le macasamhla dá chuid pictiúr.