Ba mhaith le Conchubhar Deirdre a choinneáil aige féin. Coinníonn sé í ar shiúl ó chuideachta agus í ag fás aníos, ach ní thig leis srian a choinneáil ar an ghrá a fhásann idir í agus Naoise. Fearg, feall agus foréigean a tharlaíonn sa deireadh.

Sraith de 3 leabhar a bhaineann le téama an laochais. Deirdre an Bhróin, Fionn agus an Fathach agus Mar a Fuair Cú Chulainn a Ainm. Leabhair tharraingteacha ina bhfuil pictiúir ghrafacha atá dírithe ar léitheoirí cumasacha in EC2. Tá siad scríofa i nGaeilge Chúige Uladh agus béim ar shaibhriú teanga agus frásaí dúchasacha a chuirfidh le cumas labhartha agus scríofa na ndaltaí. Tá gluais i nGaeilge ar an leathanach céanna a chuideoidh le leanúnachas sa scéal. Bain triail fosta as an chód mhearfhreagartha (QR-chód) a thabharfaidh thú go díreach chuig suíomh an Áisaonaid, áit a dtig éisteacht le taifid de na scéalta.