Scéalta Traidisiúnta d’aois 10-12

Scéal a thosaíonn an oíche a rugadh leanbh agus an tairngreacht a bhí ag baint leis an bhreith sin. Leanann an scéal saol an linbh seo go dtí an oíche sin ag teach Chulainn nuair a tugadh Cú Chulainn air, ainm atá air ó shin.

Sraith de 3 leabhar a bhaineann le téama an laochais. Deirdre an Bhróin, Fionn agus an Fathach agus Mar a Fuair Cú Chulainn a Ainm. Leabhair tharraingteacha ina bhfuil pictiúir ghrafacha atá dírithe ar léitheoirí cumasacha in EC2. Tá siad scríofa i nGaeilge Chúige Uladh agus béim ar shaibhriú teanga agus frásaí dúchasacha a chuirfidh le cumas labhartha agus scríofa na ndaltaí. Tá gluais i nGaeilge ar an leathanach céanna a chuideoidh le leanúnachas sa scéal. Bain triail fosta as an chód mhearfhreagartha (QR-chód) a thabharfaidh thú go díreach chuig suíomh an Áisaonaid, áit a dtig éisteacht le taifid de na scéalta.