Baineann an leabhar mór seo leis an tsraith I bhfad níos mó ná scéal. Is leabhair iad seo ina mbíonn meascán d’fhicsean agus neamhfhicsean agus neart gníomhaíochtaí agus ábhair eile le tacú leo.

I bhfad níos mó ná scéal faoi bhandia de chuid na Gréige, Peirsifiné. Fuadaíodh í agus tugadh chuig an domhan thíos í. Mar a tharlaíonn go minic sna cásanna seo, thit sí i ngrá lena fuadaitheoir ach, go fóill féin, ba mhian léi bheith ar talamh lena teaghlach. Tá réiteach ar an scéal nuair a chaitheann sí sé mhí sa domhan thíos agus sé mhí ar talamh. (Is bandia í – thig léi a rogha rud a dhéanamh!)

Ansin, dán Haiku faoi na séasúir; eolas ar na séasúir; tionchar chóras na gréine ar na séasúir; díospóireacht; moltaí múinteora.