Cleite – An Clár Luathléitheoireachta
Cleite – An Clár Luathléitheoireachta
Clár Luathléitheoireachta an Áisaonaid
i gcomhar le COGG
Clár luathléitheoireachta atá ag teacht le moltaí Breith ar an Léitheoireacht.
Ceithre Bhanda
60 leabhar i mBanda 1 – 3, agus 30 leabhar i mBanda 4 – ficsean agus neamhfhicsean.
210 san iomlán!
Clár struchtúrtha a fhorbraíonn scileanna agus straitéisí le tacú le léitheoireacht na Gaeilge.
Dírithe ar thús na léitheoireachta i gcóras tumoideachais.
Tá gnéithe áirithe teanga agus struchtúir sna Bandaí. Tógtar focail, frásaí agus scileanna de réir a chéile agus ansin daingnítear iad ina dhiaidh sin le hathrá agus le hathchleachtadh.
I ngach Banda, tá:
Spriocfhocal
atá léirithe ar chúl gach leabhair. Is iad seo na focail is minice agus is focail theibí iad. Tógtar ar na focail seo de réir a chéile.
Focail suime
atá léirithe go soiléir sna pictiúir i mBanda 1 ach níos doiléire i mBanda 2 agus 3. Bíonn scileanna agus straitéisí eile de dhíth lena léamh. Forbraítear na scileanna agus na straitéisí seo sa chlár.
Focail fuaime
ina bhfuil litir amháin a sheasann d’fhuaim amháin agus atá furasta a dhíchódú. Ansin, dhá litir a sheasann d’fhuaim, agus fuaimeanna níos casta de réir mar a fhorbraítear an clár.
Ábhar tacaíochta
Tá na leabhair sa chaighdeán ach tá dhá leagan ar fáil le freastal ar na difríochtaí, m.sh. ar an bhó/ar an mbó. Is féidir leagan Ultach nó leagan deisceartach a fháil.
Tá greamáin ar fáil do roinnt leabhar i mBanda 3 le leaganacha éagsúla a chur ar fáil, m.sh. féach, go tapa, chuireamar.
Le tacú le húsáid an chláir seo tá;
- nótaí múinteora/tuismitheoirí ar chlúdach gach leabhair
- gníomhaíochtaí le tacú le páistí a bhfuil tacaíocht sa bhreis de dhíth orthu.
- comhad le heolas ar an chur chuige agus le nótaí agus áiseanna múinteora.
- measúnú léitheoireachta.
- póstaeir plé ar chuid de théamaí na leabhar.
- Ceim_ar_Cheim-Bandailte agus Seidean Sí Bandailte.
- Cluichí leictreónacha do Banda1, 2 agus 3 ó CEA.
Breis eolais:
Conas ceannach
- Aimsigh áis atá uait.
- Buail ar an chnaipe "Cuir sa chiseán".
- Nuair atá tú sásta le do chuid siopadóireachta, buail ar "Gabh chuig an scipéad" agus líon isteach do chuid sonraí.
- Déanfaidh an tÁisaonad teagmháil leat faoi íocaíocht.
Cuidiú uait?
An bhfuil ceist agat faoi áis? Cuir scairt orainn ag an uimhir thíos.
Nó ar mhaith leat ordú a chur isteach ar ríomhphost? Déan teagmháil linn ag an seoladh thíos.
- 048 90 24 38 64
- ordu@aisaonad.org
Tuilleadh áiseanna
