Sraith leabhar a bhfuil leibhéal ard spéise ag baint leo ach a bheadh fóirsteanach do léitheoirí drogallacha nó do léitheoirí a mbeadh níos mó tacaíochta de dhíth orthu. Tá gluais le fáil ar an leathanach ar a mbeadh focal achrannach, ag bun an leathanaigh féin. Ar a bharr sin, baineadh feidhm as clófhoireann saindeartha agus as dath uachtair ar na leathanaigh leis an léitheoireacht a éascú do dhaltaí a bhfuil disléicse orthu.

Fóireann na leabhair seo do thús na hiar-bhunscolaíochta, a fhad le haois 14, go fiú, ach bheadh cuid acu fóirsteanach fosta do bharr na bunscoile. (Tá lipéad ‘Leabhar do Dhéagóirí’ ar na leabhair a bhfuil téamaí rud beag níos aibí ag baint leo).

Is féidir leabhair a ordú ar an leathanach seo nó, más mian leat níos mó eolais ar theideal faoi leith, cliceáil ar an nasc thíos.